ਪੰਜਾਬ ਵਿੱਚ ਨਾ ਲਾਗੂ ਕੀਤਾ ਜਾਵੇ ਵਕਫ ਕਾਨੂੰਨ 2025 -ਸ਼ਾਹੀ ਇਮਾਮ

ਇਸ ਸੂਬਾ ਪੱਧਰੀ ਮੀਟਿੰਗ ਵਿੱਚ ਕੇਂਦਰ ਸਰਕਾਰ ਵੱਲੋਂ ਹਾਲ ਦੇ ਘੜੀ ਲਾਗੂ ਕੀਤੇ ਗਏ ਨਵੇਂ ਵਕਫ ਐਕਟ 2025 ਨੂੰ ਮੰਦਭਾਗਾ ਦੱਸਦੇ ਹੋਏ ਇਸ ਨੂੰ ਰੱਦ ਕਰਨ ਦੀ ਮੰਗ ਕੀਤੀ ਗਈ , ਇਸ ਮੌਕੇ ਸੰਬੋਧਨ ਕਰਦੇ ਹੋਏ ਸ਼ਾਹੀ ਇਮਾਮ ਮੌਲਾਨਾ ਮੁਹੰਮਦ ਉਸਮਾਨ ਰਹਿਮਾਨੀ ਲੁਧਿਆਣਵੀ ਨੇ ਕਿਹਾ ਕਿ ਕੇਂਦਰ ਸਰਕਾਰ ਦਾ ਚਲਾਕੀ ਦੇ ਨਾਲ ਇਹ ਕਹਿਣਾ ਕਿ ਵਕਫ ਬੋਰਡ ਸਿਰਫ ਇੱਕ ਪ੍ਰਬੰਧਕੀ ਅਦਾਰਾ ਹੈ ਇਹ ਮੁਸਲਮਾਨਾਂ ਦਾ ਧਾਰਮਿਕ ਅਦਾਰਾ ਨਹੀਂ ਹੈ ਸਰਾਸਰ ਗਲਤ ਹੈ ਵਕਫ ਬੋਰਡ ਮੁਸਲਮਾਨਾਂ ਦਾ ਨਿਰੋਲ ਧਾਰਮਿਕ ਅਦਾਰਾ ਹੈ ਕਿਉਂਕਿ ਜਿਨ੍ਹਾਂ ਜਾਇਦਾਦਾਂ ਦੀ ਇਹ ਰਾਖੀ ਕਰਦਾ ਹੈ ਉਹ ਸਾਰੀਆਂ ਦੀ ਸਾਰੀਆਂ ਖੁਦਾ ਦੇ ਨਾਮ ਤੇ ਹੀ ਵਕਫ ਕੀਤੀਆਂ ਗਈਆਂ ਹਨ , ਸ਼ਾਹੀ ਇਮਾਮ ਨੇ ਕਿਹਾ ਕਿ ਵਾਕਫ ਦੇ ਵਿੱਚ ਦੋ ਐਕਸਪਰਟ ਗੈਰ ਮੁਸਲਿਮ ਮੈਂਬਰਆ ਨੂੰ ਨਾਮਜਦ ਕੀਤੇ ਜਾਣ ਦੀ ਪ੍ਰਵਾਨਗੀ ਇਸ ਕਾਨੂੰਨ ਵਿੱਚ ਦਿੱਤੀ ਗਈ ਹੈ ਜੋ ਕਿ ਮੰਦਭਾਗੀ ਹੈ ਕਿਉਂਕਿ ਹਰੇਕ ਧਰਮ ਦਾ ਵਿਅਕਤੀ ਹੀ ਜਾਣਦਾ ਹੈ ਕਿ ਉਸ ਧਰਮ ਦੀਆਂ ਕੀ ਮਰਿਆਦਾਵਾਂ ਹਨ ਇਸ ਲਈ ਕਿਸੀ ਗੈਰ ਧਰਮ ਦੇ ਵਿਅਕਤੀ ਨੂੰ ਕਿਸੀ ਦੂਸਰੇ ਧਰਮ ਦੀ ਕਿਸੇ ਵੀ ਸੰਸਥਾ ਵਿੱਚ ਅਹੁਦੇਦਾਰ ਬਣਾਇਆ ਨਹੀਂ ਜਾ ਸਕਦਾ ਇਸ ਮੌਕੇ ਸਰਬ ਸੰਮਤੀ ਦੇ ਨਾਲ ਜੋ ਮਤੇ ਪਾਸ ਕੀਤੇ ਗਏ ਉਸ ਦੇ ਵਿੱਚ ਸਭ ਤੋਂ ਪਹਿਲਾਂ ਅਤੇ ਅਹਿਮ ਮਤਾ ਇਹ ਹੈ ਕਿ ਇਸ ਇਜਲਾਸ ਦੇ ਸਮੂਹ ਮੈਂਬਰਾਂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਜਨਾਬ ਭਗਵੰਤ ਸਿੰਘ ਮਾਨ ਤੋਂ ਇਹ ਮੰਗ ਕੀਤੀ ਹੈ ਕਿ ਆਪਜੀ ਪੰਜਾਬ ਵਿਧਾਨ ਸਭਾ ਦਾ ਵਿਸ਼ਸ਼ੇ ਇਜਲਾਸ ਬੁਲਾ ਕੇ ਕੇਂਦਰ ਵੱਲੋਂ ਬਣਾਏ ਗਏ ਵਕਫ ਐਕਟ 2025 ਕਾਨੂੰਨ ਨੂੰ ਪੰਜਾਬ ਦੇ ਵਿੱਚ ਲਾਗੂ ਨਾ ਕਿਤੇ ਜਾਣ ਦਾ ਮਤਾ ਪਾਸ ਕਰੋ। ਬਿਲਕੁਲ ਉਸੀ ਤਰ੍ਹਾਂ ਜਿਸ ਤਰ੍ਹਾਂ ਕਿ ਕੈਪਟਨ ਅਮਰਿੰਦਰ ਸਿੰਘ ਸਰਕਾਰ ਨੇ ਪਿਛਲੇ ਦਿਨੋਂ ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਸੀਏਏ ਐਨਆਰਸੀ ਨੂੰ ਪੰਜਾਬ ਦੇ ਵਿੱਚ ਲਾਗੂ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਸ ਇਜਲਾਸ ਵਿੱਚ ਇਹ ਮਤਾ ਵੀ ਪਾਸ ਕੀਤਾ ਗਿਆ ਕਿ ਪੰਜਾਬ ਸਰਕਾਰ ਤੋਂ ਆਪਣੀ ਇਹ ਮੰਗ ਰੱਖਣ ਦੇ ਲਈ ਸਾਰੇ ਹੀ ਹਲਕਿਆਂ ਦੇ ਮੁਸਲਮਾਨ ਆਗੂ ਅਤੇ ਆਮ ਲੋਕ ਆਪਣੇ ਆਪਣੇ ਐਮਐਲਏ ਸਾਹਿਬਾਨ ਕੋਲ ਜਾ ਕੇ ਇਹ ਮੰਗ ਰੱਖਣਗੇ ਤਾਂ ਜੋ ਉਹਨਾਂ ਦੀ ਗੱਲ ਪੰਜਾਬ ਸਰਕਾਰ ਤੱਕ ਸੂਬੇ ਦੇ ਹਰੇਕ ਇਲਾਕੇ ਵੱਲੋਂ ਪਹੁੰਚ ਸਕੇ , ਇਜਲਾਸ ਵਿੱਚ ਭਾਰਤ ਦੀ ਕੌਮੀ ਮੁਸਲਿਮ ਲੀਡਰਸ਼ਿਪ ਵੱਲੋਂ ਵਕਫ ਐਕਟ ਦੀ ਵਿਰੋਧਤਾ ਨੂੰ ਲੈ ਕੇ ਕੀਤੇ ਜਾ ਰਹੇ ਸੰਘਰਸ਼ਾਂ ਦੀ ਸ਼ਲਾਘਾ ਕੀਤੀ ਗਈ ਅਤੇ ਇਸ ਦੇ ਨਾਲ ਨਾਲ ਇਹ ਮਤਾ ਵੀ ਪਾਸ ਕੀਤਾ ਗਿਆ ਕਿ ਕੌਮੀ ਮੁਸਲਿਮ ਧਾਰਮਿਕ ਲੀਡਰਾਂ ਅਤੇ ਸਿਆਸੀ ਸਮਾਜੀ ਲੀਡਰਾਂ ਮੁਸਲਮਾਨਾ ਦੀ ਅਗਰ ਸਹੀ ਨੁਮਾਇੰਦਗੀ ਕਰਨਾ ਚਾਹੁੰਦੇ ਹਨ ਤਾਂ ਉਹ ਪਾਰਲੀਮੈਂਟ ਦੇ ਵਿੱਚ ਇਲੈਕਸ਼ਨ ਲੜ ਕੇ ਜਾਣ ਦਾ ਰਾਹ ਪੱਧਰ ਕਰਨ ਨਾ ਕਿ ਸਿਰਫ ਧਰਨੇ ਪ੍ਰਦਰਸ਼ਨਾਂ ਰਾਹੀਂ ਆਪਣੀ ਗੱਲ ਰੱਖਣ , ਸ਼ਾਹੀ ਇਮਾਮ ਨੇ ਕਿਹਾ ਕਿ ਬਹੁਤ ਸਾਰੇ ਲੋਕ ਇਸ ਨੂੰ ਸੰਵਿਧਾਨ ਦੀ ਰੱਖਿਆ ਦਾ ਮੁੱਦਾ ਘੱਟ ਅਤੇ ਸਿਆਸੀ ਮੁੱਦਾ ਜਿਆਦਾ ਬਣਾ ਰਹੇ ਹਨ ਜਦਕਿ ਜਰੂਰਤ ਹੈ ਕਿ ਦੇਸ਼ ਭਰ ਦੇ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾਵੇ ਕਿ ਇਹ ਸਿਰਫ ਇੱਕ ਵਕਫ ਐਕਟ ਦਾ ਮਸਲਾ ਨਹੀਂ ਹੈ ਬਲਕਿ ਧਾਰਮਿਕ ਆਜ਼ਾਦੀ ਦੇ ਉੱਤੇ ਇੱਕ ਤਰਹਾਂ ਦਾ ਰੋਕ ਹੈ ਜੋ ਆਉਣ ਵਾਲੇ ਸਮੇਂ ਵਿੱਚ ਹੋਰ ਲੋਕਾਂ ਨੂੰ ਵੀ ਝੇਲਣੀ ਪੈ ਸਕਦਾ ਹੈ।

waqf-act-2025-should-not-be-implemented-in-punjab-shahi-imam

---